ضميتها وقامت تشاهق كالاطفال

جتني تشكّى من عنـا الدهـر فيهـا
جتني تقول جروحها ألوان وأشكـال..
جتني وأنـا قلبـي حزيـن عليهـا
جتني وأشوف بعينهـا كـل غربـال..
قامت تلعثـم واختلـط مـع حكيهـا
نغمة حزن أضفت على الصوت موّال..
ظلم الدهر(شـنّ) المعـارك عليهـا
كن البنيـه مهـرة ٍ والظلـم خيّـال..
لحظـة تأمّـل وقفتـنـي بيديـهـا
(ضمّيتها) وقامت تشاهق كالأطفـال..
(عانقتهـا) ودموعـهـا تنتشيـهـا
وفتحت أنا قلبي لجل تشكـي الحـال..
فجـأه لقيـت العيـن تنظـر إليهـا
شاهدت أنا منظر يليّـن لـه جبـال..
شفـت الفـراق بعينهـا يحتويـهـا
شفت الكحل إختلط مع دموعها وسال..
فزّيـت انـا فـزّت شجـاع ٍ يبيهـا
حبي لها ( قد كـان يبقـى ولازال )..
هاتـي همومـك حمّلينـي أبيـهـا
أبغـى أشيـل الهـم والهـم ينشـال..
أبغـى أكـون بدنيـتـك مهتويـهـا
هاتي يدينك وانسـي القيـل والقـال..
إنتي حياتي .. لا .. حياتـي مابيهـا
إلا وإنتي بوسطها في كـل الاحـوال..
وان كان قصـدك دنيتـك إتركيهـا
خليني اسرح في سما الحب واختـال..
يالله تعالـي وبسمـتـك إفرديـهـا
إمـا نفعتـك والا مانيـب رجــال..
وكـل الهمـوم السابقـه أنكريـهـا
واعترفي بشي ٍ وحيـد ٍ لـك لحـال..
بمسح دموعـك ضيقتـك إرفعيهـا
وجازي ليال الظلم والظلـم باهمـال..
والله تـرا الدنيـا حقيـره وفيـهـا
فيها الكريم وبسطهـا كـل الانـذال..
حطيت أنـا يـدّي بممسـك يديهـا
وابحرت أنا والغاليه ببحـور الأمـال..
رحنـا لديـره وردهـا مستضيهـا
وعشنا حيـاة الحـب أيـام وليـال

من طرف **لحظة وفاء** السبت أغسطس 08, 2009 1:43 pm

بمسح دموعـك ضيقتـك إرفعيهـا
وجازي ليال الظلم والظلـم باهمـال..
والله تـرا الدنيـا حقيـره وفيـهـا
فيها الكريم وبسطهـا كـل الانـذال..
حطيت أنـا يـدّي بممسـك يديهـا
وابحرت أنا والغاليه ببحـور الأمـال..
رحنـا لديـره وردهـا مستضيهـا
وعشنا حيـاة الحـب أيـام وليـال

روووووووووووووووووووعة يعطيك العافية على القصيدة الرائعة
المعبرة
تسلم لايادي