الكحيله.........

السلام عليكم
مساكم رقه كرقه نسايم ابها
والله قريت القصيده هذي من كتاب وراقت لي
وحبيت انقلها لكم
يمكن تعجبكم وكلي امل تعجبكم
تفضلوا

لي مهرة تصعب على كل خيال
ماكل من هام الكحيله عسفها
صفرا شموخ الراس ماهي بتنطال
من هازها مرة شكا من صلفها
ترخي علي الراس ماهوب بحبال
لاشك حظ وحظي اللي صدفها
ترخي علي الراس برخايه اقبال
واحترت في ظلم العيون ونصفها
اشوفها في زحمه الفكر تختال
مافارقت دنيا خيال ولفها
تبعد وتدنيني وانا عندي امال
فيها رجا قلب عليل عرفها
صلفه لها عن كل موال موال
عن رايها مافيه حي حرفها
حذرة ذكيه حيل ماهيب تنحال
من خوفها عيت تبين هدفها

للشاعر ناصر القعيمه

الله يحبكم