ليس كل الشباب

قصيده في بعض الشباب وليس كل الشباب


هذا شباب اليوم يا جاهله شف= شباب هذا اليوم يرثيه دينه

زقارتن بالكف وغتره على الكتف = واسواره بيسراه وساعه بيمينه

واليا مشى مشية هنوف ايتعطف=دلوع !! مايع كنه (اخته) بلينه

وان شفت لبسه ودك تصكه بكف = وتهفه (بعجرا) على حجر عينه

لبس العروس فبيتها وربي اشرف = ثوب الحشيمه والحيا فاصخينه

قلة حيا وضيعه ودجه وتخلف = والثوب ثوب ( بنيه ) مخصرينه

شعارهم عيش العمر صيع وازحف !) = مثل( الكلاب) الهايته بالمدينه

على طلوع المدرسه شغلهم لف = والرقم بالموتر (ورى) كاتبينه

وان قابلو بنتٍ مشو خلفها صف = كلن يقول اليوم صيده ثمينه

هامل يرقمها ويبغى ايتعرف= (وسربوت) يتباهى بشكله وزينه

وهذي (تلعنهم ) وهذي لها شف = وهذي تصيح من القهر والغبينه

وان شاف بالحاره شبابٍ ملقف = وقالو نبي نسمع بلوف المكينه

احرق قزوز (الكامري ) ونقز البلف = ويلعن ابو الموتر ماهمه حنيه

تنطيل والريوس وعكسية الحرف = واثنين والعقده وسايد لعينه

وعند النهايه يشطف الارصفه شطف = وشعب العبث ترمي (الطواقي ) لعينه

ومساعد السواق مع فتحة السقف = ايلوح بيمناه لمشجعينه

شباب هايت داج ياجاهله شف = وشلون مدري كيف بيعز دينه



بالنهايه ترا المقصودين بالقصيده بعض من الشباب وليس كل الشباب
وسلامتكم

مشكوووره ياقلب عالمروور الرائع واللي ابهجني كثيراً

فعلاً هذا حال بعض الشباب وليس الكل


لكِ تحياااااتي

صحت ابدانكم يابدووور وعقيد

ومشكورين عالمرور اللي ابهجني

لكم تحياااااتي